مؤتمر Made by Google 2024 اللي جي: بكسل 9 الجديد وايه اللي نعرفه لحد دلوقتي؟!
بكرة يوم كبير لشركة جوجل لأنها هتعلن عن منتجات جديدة من سلسلة Pixel. جوجل هتكشف عن سلسلة Pixel 9 الجديدة جنب أحدث إصدار من Pixel Watch وسماعات Pixel Buds. المؤتمر هيبدأ الساعة 7 مساءً بتوقيت مصر / 8 مساءً بتوقيت السعودية / 9 مساءً بتوقيت الإمارات. ودلوقتي عشان يبقى عندك فكرة عن كل حاجة، حضرنا ملخص لكل التسريبات والإشاعات اللي طلعت في الشهور اللي فاتت عشان تكون على علم بكل التفاصيل.
مفيش حاجة جديدة هنا، التسريبات عن أجهزة Pixel كانت كتير في الشهور اللي فاتت، وعندنا تقريباً كل التفاصيل الأساسية عن الأجهزة الجديدة بما في ذلك المواصفات والأسعار في المناطق المختلفة. ده اللي ممكن تتوقعه من مؤتمر “صنع بواسطة جوجل” اللي هيكون معاده بكرة:
في 3 أجهزة من موبايل بكسل، 2 منهم برو وواحد عادي
جوجل جاهزة لتوحيد سلسلة هواتف Pixel بطريقة مشابهة للي بتعمله أبل من كام سنة. هاتف Pixel 9 هيكون النسخة الأساسية زي الآيفون العادي، بشاشة OLED حجمها 6.3 بوصة (من غير LTPO) ومعدل تحديث يصل لغاية 120Hz، مع حواف أسمك شوية من النسخ Pro.
التصميم، والشاشة
هاتف Pixel 9 هيجي مع إطار من الألمنيوم وواجهة كاميرا محدثة اللي بقت منفصلة عن الإطار الجانبي زي اللي كانت موجودة في سلسلة Pixel 8. وبما إنه النسخة الاقتصادية في السلسلة، جوجل هتقدم خيارات ألوان جذابة تشمل Porcelain (الأبيض)، Rose (الوردي)، Green (الأخضر) وObsidian (الأسود).
أما بالنسبة لـ Pixel 9 Pro، فده هيقدم ميزات Pro (زي الكاميرات الثلاثية) في حجم أصغر على أمل إنه يجذب المستخدمين اللي كانوا مترددين يروحوا للنسخة Pro. هيجي بشاشة OLED حجمها 6.3 بوصة (LTPO المرة دي) وحواف أنحف من Pixel 9 العادي، وكمان مع إطار لامع ممكن يكون من الصلب المقاوم للصدأ أو التيتانيوم. أما Pixel 9 Pro XL فده هيكون الخلف الحقيقي لـ Pixel 8 Pro من السنة اللي فاتت بشاشة LTPO OLED حجمها 6.8 بوصة. ومن المتوقع إن Pixel 9 Pro وPixel 9 Pro XL ييجوا بألوان Porcelain (الأبيض)، Rose (الوردي)، Hazel (الأخضر) وObsidian (الأسود).
الكاميرات
الكاميرات دايمًا بتكون نقطة تركيز أساسية في أجهزة Pixel، والسنة دي النسخ Pro هتجي بكاميرا رئيسية بدقة 50 ميجابكسل مع مستشعر Samsung GNK حجم 1/1.31 بوصة وميزة تثبيت الصورة البصري (OIS)، وكاميرا تليفوتو بدقة 48 ميجابكسل بتقريب 5x باستخدام مستشعر Sony IMX858 حجم 1/2.51 بوصة، وكمان عدسة واسعة جدًا بدقة 48 ميجابكسل. من المتوقع إن Pixel 9 هيجي بنفس الكاميرا الرئيسية بدقة 50 ميجابكسل وعدسة واسعة جدًا بدقة 48 ميجابكسل. وكمان جوجل متوقع إنها تقدم تسجيل فيديو بدقة 8K السنة دي.
النسخ Pro هتحصل كمان على كاميرات سيلفي محدثة بدقة 50 ميجابكسل (مستشعر Samsung 3J1)، بينما النسخة العادية هتظل بنفس مستشعر 10.5 ميجابكسل من سلسلة Pixel 8 السنة اللي فاتت.
معالج Tensor G4
كل الأجهزة الجديدة في سلسلة بكسل 9 متوقع إنها هتستخدم معالج Tensor G4 الجديد واللي جي بدقة تصنيع 4 نانومتر من جوجل،. الاختبارات الأولية بتقول إنه هيبقى مجرد تحديث طفيف لو قارنا الأداء مع معالج G3 اللي فات، بس عموما احنا متوقعين تحسين في كفاءة الطاقة وإدارة الحرارة.
الذاكرة العشوائية (الرام)
أجهزة Pixel 9 الجديدة متوقع إنها هتيجي مع ذاكرة عشوائية (رام) لغاية 12 جيجابايت، بينما النسخ Pro هيكون فيها رام لحد 16 جيجابايت. وبيقال كمان إن الهواتف الجديدة هتدعم الاتصال من الأقمار الصناعية بسبب مودم Exynos 5400 بتاع سامسونج في معالج جوجل الجديد.
البطارية وسرعة الشحن
البطاريات في الهواتف الجديدة هتكون بقدرات أكبر، حيث هيجي Pixel 9 و9 Pro ببطاريات بسعة 4,600 مللي أمبير، بينما 9 Pro XL هتكون بسعة 5,060 مللي أمبير. ومن المتوقع إن جوجل هتقدم دعم لشحن أسرع المرة دي، لغاية 35 واط في 9 Pro XL.
الأسعار
أما بالنسبة للتوافر والأسعار – فمن المتوقع إن Pixel 9 و9 Pro و9 Pro XL هيتاحوا للحجز المسبق مباشرة بعد حدث بكرة، على أن تبدأ المبيعات المفتوحة في 22 أغسطس.
سعر Pixel 9 متوقع يبدأ من $750/2,812 ريال سعودي/2,920 درهم إماراتي مع 128 جيجابايت تخزين، و$894/3,356 ريال سعودي/3,428 درهم إماراتي مع 256 جيجابايت.
سعر Pixel 9 Pro هيكون $914/3,426 ريال سعودي/3,516 درهم إماراتي مع 128 جيجابايت، و$1,094/4,106 ريال سعودي/4,211 درهم إماراتي مع 256 جيجابايت، و$1,202/4,509 ريال سعودي/4,610 درهم إماراتي للنسخة 512 جيجابايت.
سعر Pixel 9 Pro XL هيكون $1,022/3,826 ريال سعودي/3,953 درهم إماراتي مع 128 جيجابايت، و$1,202/4,509 ريال سعودي/4,610 درهم إماراتي مع 256 جيجابايت، و$1,310/4,912 ريال سعودي/5,036 درهم إماراتي مع 512 جيجابايت، و$1,562/5,859 ريال سعودي/6,100 درهم إماراتي للنسخة 1 تيرابايت.
وبيقال إن جوجل هتقدم ترقية تخزين مجانية للحجوزات المسبقة من 13 أغسطس لغاية 3 سبتمبر.
جوجل بكسل 9 برو فولد: بقى أرفع، أطول، وأقوى
جوجل جاهزة كمان لتحديث أول هاتف قابل للطي ليها مع Pixel 9 Pro Fold. نتوقع تصميم جديد بشكل كبير مع جسم أطول وأرفع. كمان يُقال إن Pixel 9 Pro Fold هيفتح بشكل مسطح بالكامل على عكس الجيل السابق. ومن المتوقع إنه ييجي بوزن 257 جرام، اللي لسه أعلى من المنافسين الرئيسيين لكن انخفاض مرحب بيه قدره 26 جرام عن Pixel Fold الأصلي.
الشاشتين هتشهدوا تغييرات كبيرة، مع شاشة خارجية بحجم 6.24 بوصة وشاشة رئيسية OLED بحجم 8 بوصة (أما يكون مفتوح زي التابلت). الشاشتين هيدعموا معدل تحديث 120Hz ويقدموا سطوع يوصل لغاية 2700 نيتس. كمان هيكون في نسب أبعاد محدثة مع شاشة خارجية أطول وأرفع، وشاشة قابلة للطي بشكل مربع تقريباً.
الكاميرا الخلفية في بكسل فولد 9 الجديد هتتضمن كاميرا رئيسية بدقة 48 ميجابكسل، كاميرا تليفوتو بدقة 10.5 ميجابكسل، وكاميرا ألترا-وايد بدقة 12 ميجابكسل، بالإضافة إلى كاميرتين سيلفي بدقة 10 ميجابكسل – واحدة لكل شاشة. كمان Pixel 9 Pro Fold هيجي مع معالج Tensor G4 الجديد مع ذاكرة وصول عشوائي تصل لغاية 16 جيجابايت وتخزين يصل لغاية 512 جيجابايت.
حاجة واحدة إلى ماتمش تحديثها السنة دي، بل بقت أقل من الجيل اللي فات وهي البطارية – جوجل متوقع تستخدم بطارية بسعة 4,650 مللي أمبير وهي أقل من سعة بطارية بيكسل 8 فولد لفرق 171 مللي أمبير. ممكن ده مايكونش انخفاض لأن المعالج تم تطويره وغالبا هيستهلك طاقة أقل، عمومًا نستنى نجربه ونشوف.
الحجز المسبق هيبدأ بكرة بمجرد انتهاء المؤتمر، وإمكانية وجود الموبايل الفولد 9 الجديد في السوق غالبًا هبتدأ في سبتمبر. أما سعر Pixel 9 Pro Fold فامتوقع يبدأ من:
- النسخة 256 جيجابايت: 1,670 يورو/ 2,080 دولار /7,810 ريال سعودي/7,910 درهم إماراتي
- النسخة 512 جيجابايت: 1,850 يورو /2,290 دولار /8,565 ريال سعودي/8,685 درهم إماراتي
ميزات جديدة في الذكاء الاصطناعي
ما ينفعش يكون في حدث لجوجل من غير بعض ميزات الذكاء الاصطناعي الجديدة. من المتوقع إن الأجهزة الجديدة هتقدم ميزة Pixel Screenshots اللي بتستخدم Gemini عشان تساعدك تستخرج معلومات من لقطات الشاشة وتبدأ بحث مباشرة. وكمان نتوقع تفاعلات جديدة مع Gemini هتتيح لك طلب المساعدة من أي شاشة على جهازك.
ميزة Add Me هي واحدة من الميزات المثيرة اللي جاية لتطبيق كاميرا Pixel، واللي هتسمح لك تضيف أشخاص في الصور اللي ماكانوش موجودين فيها من البداية. كمان يُقال إن جوجل هتقدم تحديثات لMagic Editor مع إمكانية استبدال خلفيات الصور عن طريق أوامر نصية.
سماعة Pixel Buds Pro 2 الجديدة
سماعة Pixel Buds Pro 2 من المتوقع إنها هتحافظ على نفس تصميم الجيل السابق. من المتوقع انها هتيجي بألوان رمادي غامق، بورسلين، ألو، وزهري، وهيكون معاهم علبة أكبر شوية، اللي ممكن تكون فيها بطارية أكبر بسعة 650 مللي أمبير.
مفيش تفاصيل كتير ظهرت عن المواصفات، لكن نأمل في تحسين جودة الصوت وميزة إلغاء الضوضاء.
أما لو كنت بتسأل عن السعر، سماعة Pixel Buds Pro 2 متوقع إنها تتوفر في 26 سبتمبر بسعر 229 دولار/860 ريال سعودي/845 درهم إماراتي. كمان ممكن تشوفهم في هدية مه الحجز المسبق لأجهزة بكسل 9 الجديدة.
ساعة Pixel Watch 3 الجديدة هتيجي بحجمين
لأول مرة في تشكيلتها، متوقع إن Pixel Watch 3 هتتوفر بأكثر من حجم – يعني حجم 45 مم بجانب النسخة 41 مم. الشاشتين هيكونوا مشابهين تقريباً للـ Pixel Watch 2 مع شاشات AMOLED دائرية، لكن هيقدموا شاشات أكبر بفضل إن الحواف في الساعة الجديد بقت أصغر. الشاشات الجديدة دي جاية سطوع أعلى يوصل لحد 2,000 نيت ومعدل تحديث 60Hz – اللي يعتبر تحسين حلو جدًا مقارنة بشاشة الساعة اللي فاتت اللي كانت بمعدل 30Hz بس.
أما المواصفات الداخلية الداخلية فهتكون هي هي تقريباً زي مع نفس معالج Snapdragon Wear 5100 وCortex M33 المساعد اللي كانوا موجودين في Pixel Watch 2 السنة اللي فاتت. هينضم ليهم 2 جيجابايت من الذاكرة العشوائية و32 جيجابايت من التخزين الداخلي. البطارية في نسخة 41 مم من Pixel Watch 3 متوقع تكون بسعة 310 مللي أمبير، بينما النسخة 45 مم ممكن تحصل على بطارية بسعة 420 مللي أمبير.