روسيا حظرت موقع يوتيوب من خلال إنها تعطّل سرعة الإنترنت أثناء تصفحه!
في الأسابيع الأخيرة، الحكومة الروسية انتقدت يوتيوب بشكل كبير لأنه من المنصات القليلة في البلاد اللي بتسمح بعرض محتوى عن معارضي الكرملين. ردًا على ده، روسيا بتعطل الوصول ليوتيوب من خلال تقليل شديد في سرعة الإنترنت.
حسب التقارير، يوتيوب دلوقتي شبه غير قابل للاستخدام في روسيا. الحكومة مش بتحجب المنصة بشكل كامل على مستوى مزودي الخدمة، لكن بتقلل سرعة الإنترنت بشكل كبير لما يكتشفوا أي رابط أو دومين مرتبط بيوتيوب، لدرجة إن سرعة الإنترنت بتوصل لـ 128 كيلوبت في الثانية فقط، وره طبعا بيمنع تشغيل الفيديوهات أو تحميلها.
روسيا بتحجب اليوتيوب بسبب عدم عدم حذف المحتوى المعارض ليها!
الحكومة الروسية مش راضية عن قدرة المعارضين على رفع محتوى بحرية. حسب تقرير من رويترز، منصات التواصل الاجتماعي الكبيرة شالت الفيديوهات أو المنشورات دي لتجنب المشاكل، لكن يوتيوب لسه متمسكة بموقفها في رفض طلبات إزالة المحتوى بدون أسباب واضحة.
في البداية، روسيا حاولت تلوم جوجل على بطء الإنترنت وسوء الأداء على يوتيوب، لكن جوجل نفت الاتهامات بسرعة وقالت إن المشكلة مش عندهم. المسؤول الروسي ألكسندر كينشتين كان حذر من اتخاذ تدابير ضد يوتيوب بسبب الموضوع ده، وذكر إنهم هيتخذوا إجراء بتقليل سرعة الإنترنت لحد 70% عند الوصول للمنصة.
كينشتين قال إن الإجراء ده “خطوة ضرورية، موجهة ضد إدارة المورد الأجنبي اللي لسه بتعتقد إنها ممكن تخالف تشريعاتنا بدون عقاب.” ولسه لحد دلوقتي مش واضح إذا كانت الحكومة الروسية هتطبق فعلا إجراءات مشابهة ضد خدمات جوجل التانية في روسيا ولالا.
بعض الناس قدروا يتجاوزوا تقليل سرعة الإنترنت باستخدام VPN، وفي بعض الأجهزة الذكية اللي لسه بتشتغل عليها المنصة بشكل طبيعي. لسه هيبان بقى إذا كانت حجب يوتيوب في روسيا هيكون دائم أو مجرد محاولة ضغط مؤقتة.