ايه هي موبيلات سامسونج اللي هيوصلها تحديث اندرويد 15 مع One UI 7؟

في بداية 2024، جوجل بدأت تنزيل الإصدارات التجريبية لأندرويد 15 على الأجهزة المدعومة للنظام ده. نزلوا أول نسخة للمطورين في 17 فبراير اللي فات، والناس اللي معاها موبيلات سامسونج حاليًا بدأوا يسألوا إذا كانوا هيوصلهم تحديث أندرويد 15 (One UI 7.0) على أجهزتهم ولا لأ. النسخة التجريبية نزلت بالفعل لأجهزة بكسل، وبعد ما يخلصوا مرحلة الاختبار وده غالبا بعد أيام لأن جوجل أعلنت امبارح عن سلسلة بكسل 9، ونظام الاندرويد الجديد غالبًا يكون بعد الإعلان عن الأجهزة الجديدة بفترة قليلة، وبعد كدة هتنزل لباقي الشركات، بما فيهم سامسونج وده مفترض إنه آخر السنة دي.

لو انت ماتعرفش، سامسونج بتقدم أربع سنين من تحديثات أندرويد الأجهزة الفلاج شيب (أو الموبيلات الغالية). لو أنت بقى مستخدم حالي لموبايل من سامسونج وبتسأل إذا كان هييجي لموبيلك اندرويد 15 ولالا، هنا هتلاقي كل المعلومات اللي محتاج تعرفها.

إيه الجديد في أندرويد 15 (One UI 7)؟

تحديث أندرويد 15 هيكون مثير للاهتمام مع ميزات جديدة ومبتكرة، تحسين أداء النظام، وكفاءة عامة وانتقالات أفضل. فإيه الجديد في أندرويد 15؟ جوجل بتقول إن نظام أندرويد 15 بيركز أساسًا على ثلاثة أهداف رئيسية: الخصوصية/الأمان، دعم المبدعين والمطورين، وتحسين أداء التطبيقات.

لو تليفونك مؤهل لتحديث أندرويد 15، فأنت هتستمتع بالميزات الجديدة. حالياً، تحديث أندرويد 15 لسه تحت التطوير، وهيبدأ يظهر آخر السنة دي.

أما إن كنت بتسأل عن الحاجات الجديدة، فهنتكلم عنها شوية دلوقتي:

• دعم الاتصال عبر الأقمار الصناعية

مع أندرويد 15، هتقدر تستفيد من ميزات الاتصال عبر الأقمار الصناعية على موبايلك. يعني هتقدر تبعت رسائل نصية لأصدقائك وأفراد العيلة حتى لو مفيش شبكة أو أبراج قريبة. كمان، بيدعم الاتصال عبر الأقمار الصناعية لتطبيقات الرسائل النصية وكمان التطبيقات اللي بتدعم RCS.

• ميزة Find My Phone

أندرويد 15 فيه ميزة Find My Phone، ودي ميزة مفيدة للمستخدمين اللي فقدوا موبايلاتهم. كل الأجهزة اللي شغالة بأندرويد 15 هتقدر تبعت إشارات لبعضها عبر البلوتوث وتوصّلها بالشبكة لمساعدة الناس في إيجاد أجهزتهم المفقودة.

• صحة البطارية

السنة دي، أندرويد 15 ممكن يجيب ميزة “صحة البطارية” اللي الناس طلبوها زمان. الميزة دي هتوريك سعة البطارية المتبقية، وده مهم عشان تقدر تكتشف وتغير البطارية، خاصةً لو البطارية بدأت تضعف. مع إنه لسه مفيش تأكيد رسمي من جوجل عن الميزة دي، بس ممكن ننتظرها في التحديث الجديد لأندرويد 15.

• أرشفة التطبيقات

ميزة أرشفة التطبيقات بتخليك تقدر تحذف التطبيقات مع الاحتفاظ ببياناتك على ذاكرة الموبايل. يعني لما تعيد تثبيت التطبيق مرة تانية بعد ما حذفته هتقدر تكمل من نفس المكان اللي وقفت فيه بنفس البيانات. الميزة دي موجودة دلوقتي من خلال متجر جوجل بلاي، يعني تقدر تعمل أرشفة واسترجاع للتطبيقات بس من خلال المتجر. لكن مع تحديث أندرويد 15، هتشيل القيد ده وهتقدر تعمل أرشفة أي تطبيقات، بما فيها التطبيقات اللي مثبتها على موبايلك حتى لو من خارج جوجل بلاي.

• الإشعارات الحساسة

أندرويد 15 جاب ميزة جديدة اسمها “الإشعارات الحساسة”. الميزة دي هتحميك من التطبيقات اللي ممكن تقرأ الأكواد اللي بتجيلك على الموبايل، زي أكواد التحقق. الميزة دي هتفيدك في تجنب عمليات الاحتيال، خصوصًا في الأمور المتعلقة بالبنوك.

إمتى هيوصل نظام اندرويد 15 لأجهزة سامسونج؟

أغلب الشركات، بما فيهم سامسونج، بتبعت التحديثات الرئيسيىة لنظام لأندرويد في آخر السنة. فممكن نتوقع إن تحديث أندرويد 15 هيكون نفس الوضع. يعني مثلا لو بنتكلم عن السنة اللي فاتت، تحديث أندرويد 14 (One UI 6) لاجهزة سامسونج بدأ ينزل في أواخر أكتوبر 2023 – فممكن نتوقع أن نظام اندرويد 15 هيوصل برضه في أكتوبر 2024 اللي جاي.

أجهزة سامسونج المؤهلة لنظام اندرويد 15

في الفترة الأخيرة، سامسونج أعلنت إنها هتزود فترة التحديثات، وده خطوة ممتازة لتحسين استقرار النظام وانتقالاته. قبل كده، كانت الشركة بتدي أربع سنين من تحديثات أندرويد على أجهزتها الرائدة، لكن السياسة اتغيرت دلوقتي.

سلسلة جالكسي S24 مثلصا وأي موبيلات جديدة بعد كدة هيتم دعمها بـ 7 سنين من تحديثات أندرويد، بما فيهم تحديثات الأمان. ده زي ما بكسل وسعت فترة التحديثات للهواتف الرائدة بتاعتها زي بكسل 8 وبكسل 8 برو.

للأسف، السياسة دي مش هتمتد للأجهزة القديمة من جالكسي. الأجهزة القديمة هتستمر في الحصول على 4 سنين من تحديثات أندرويد و5 سنين من تحديثات الأمان. دلوقتي، تعالوا نتكلم عن قائمة الأجهزة المؤهلة. لو عندك هواتف رائدة وتساءل إذا هتحصل على تحديث أندرويد 15، متقلقش.

إليك قائمة أجهزة جالكسي اللي هتحصل على آخر تحديث لأندرويد 15 مع تحديثات One UI 7:

سلسلة جالكسي S

• جالكسي S24 Ultra
• جالكسي S24+
• جالكسي S24
• جالكسي S23 Ultra
• جالكسي S23+
• جالكسي S23
• جالكسي S23 FE
• جالكسي S22 Ultra
• جالكسي S22+
• جالكسي S22
• جالكسي S21 FE
• جالكسي S21 Ultra
• جالكسي S21+
• جالكسي S21

سلسلة جالكسي Z

• جالكسي Z Fold 6
• جالكسي Z Fold 5
• جالكسي Z Flip 6
• جالكسي Z Flip 5
• جالكسي Z Fold 4
• جالكسي Z Flip 4
• جالكسي Z Fold 3
• جالكسي Z Flip 3

سلسلة جالكسي A

• جالكسي A73
• جالكسي A72
• جالكسي A55
• جالكسي A54
• جالكسي A53
• جالكسي A35
• جالكسي A34
• جالكسي A33
• جالكسي A25
• جالكسي A24
• جالكسي A23
• جالكسي A15 (LTE+5G)
• جالكسي A14 (LTE+5G)

سلسلة جالكسي Tab

• جالكسي Tab S9 FE+
• جالكسي Tab S9 FE
• جالكسي Tab S9 Ultra (Wi-Fi/5G)
• جالكسي Tab S9+ (Wi-Fi/5G)
• جالكسي Tab S9 (Wi-Fi/5G)
• جالكسي Tab S8 Ultra (Wi-Fi/5G)
• جالكسي Tab S8+ (Wi-Fi/5G)
• جالكسي Tab S8 (Wi-Fi/5G)

سلسلة جالكسي F

• جالكسي F55
• جالكسي F54
• جالكسي F34
• جالكسي F15

سلسلة جالكسي M

• جالكسي M55
• جالكسي M54
• جالكسي M34
• جالكسي M53
• جالكسي M33
• جالكسي M15

دي كانت قائمة الأجهزة المؤهلة لتحديث أندرويد 15 على أجهزة سامسونج. الأجهزة اللي نزلت بنظام أندرويد 13 هيجيلها أندرويد 15، لأن سامسونج بتقدم سنتين من التحديثات الرئيسية لنفس الأجهزة. الأجهزة الرائدة والمتوسطة اللي مؤهلة لأربع سنين من تحديثات أندرويد وتحديثات الأمان هتحصل على تحديث أندرويد 15. الأجهزة اللي هتنزل في 2024، سواء كانت هواتف أو تابلت، هتحصل كمان على تحديث أندرويد 15.